مشروع برأس مال حوالي 500ج فقط ايوة خمسمائة جنية فقط
المشروع عبارة عن فكرة توزيع ممكن توزع بالعجلة أيوة بالعجلة او لو عندك عربية او تروسكل
المهم
التوزيع بينجح أمتا لما يكون الشركة ملهاش موزعين بيعدوا علي المحلات
ومن الحاجات الي لقتها ملهاش موزعين علي المحلات وبيوزعوا بس علي تجار الجملة
هي القشطة
ناس كتير مننا وانا أولهم بحب القشطة جدا قشطة معبأة ونظيفة وجميلة جدا
القشطة تاكلها حاف مع العيش
تاكلها مع المربي
تاكلها مع العسل الأبيض
تضع منها علي الفول او الجبنة الرومي
حاجة تحفة حاجة جنان
المهم هتعدي وتوزع وتلف علي محلات البقالة والمطاعم
كرتونة القشطة جملتها 20 جنية ويمكن أقل للي بيأخد كميات
بتطلعها لمحلات الجملة بس محدش يقول لحد ******هه ب 24 جنية
يعني رزقك أربعة جنية في الكرتونة بالصلاة علي النبي
حاضر حاضر جاي بالتفاصيل كمان أهو
1- القشطة مدي صلاحيتها شهر واحد بس هي طعمها جميل ما شاء الله وهتبقي طايرة معاك
2- الكرتونة فيها 12 علبة قشطة
3- القشطة تباع في محلات القطاعي العلبة ب 2.5 جنية
4- أزاي توزعها بتعدي علي المحلات وبتجرب أسلوب معانا قشطة مغلفة وممتازة
لو أخ منك يبقي خير وبركة ولو مخدتش قولة طب أعرض عندك 3 او 6 علب بالتلاجة علي المبيع يعني
ولو ممشتش هاخدها منك ومثلا بتعدي علي المنطقة سبت وثلاثاء
لو أدتهالو مثلا يوم السبت هتروح يوم الثلاثاء يا اما هتلاقية باع منها او ممشتش معاة متخفش خدها وهتوزعها علي محلات أخري
5- عاوز أقول أية المصنع موجود في المندورة في دسوق في كفر الشيخ
يعني تخيلوا شباب أد اية ممكن يشتغل وممكن يوزع علي مستوي محافظات مصر
ووممكن تجار جملة يمسكوا توكيل القشطة كل واحد في محافظتة
عاوز أقول للشباب متخفش دة كل الموضوع لو جبت عشر كراتين والكرتونة ب عشرين جنية يعني الموضوع كلو رأس مال 400 جنية
ولو وزعتهم يبقي طالع لك مكسب اربعين جنية في اليوم
وانتا وشطارتك بقي ممكن توزع عشرين كرتونة والأرزاق بأيد ربنا
اقسم بالله
انا قولت الفكرة دي لشخص شاب بيدور علي شغل وبيوزع بالعجلة بيشتريها من تاجر الجملة ب 21 جنية
والحياة شوية تجارب
أرجو من الجميع من لدية أي أفكار لمشاريع بألا يبخل بها علي الشباب المكافح الغلبان زي حالاتي
جزاكم الله كل خير
والسلام عليكم ورحمة الله وبركاتة
