شن مخرج المباريات الشهير محمد نصر الدين، والمعروف بأهلاويته الشديدة، هجومًا ضاريًا ضد كل من الإسباني خوان كارلوس جاريدو المدير الفني للنادي الأهلي، وعلاء عبد الصادق المشرف العام على قطاع كرة القدم بالنادي، ووائل جمعة مدير الكرة، بسبب ما تشهده القلعة الحمراء من تخبط وغدر وقلة خبرة في التعامل مع نجوم كبار أمثال عماد متعب ومحمد ناجي جدو، وتهميش لاعبين صاعدين أمثال كريم بامبو ورمضان صبحي وغيرهما.
وكتب نصر عبر صفحته الرسمية على موقع التواصل الاجتماعي "فيس بوك": " إيه اللى جرالك يا أهلى .. جدو اللى حفيت وراه وحاربت علشان تاخده من الزمالك .. جدو هداف إفريقيا وهداف الأهلى في كل البطولات اللي لعبها يجد نفسه خارج القائمة الإفريقية وهو مش عارف إيه الغدر بتاع علاء عبد الصادق وفقر خبرة وائل جمعة".
وأضاف المخرج التلفزيوني: "وكمان نجم النجوم غصب عن أهاليكم بما فيكم مجلس الإدارة المغيب، عماد متعب عايزين تذبحوه .. أبو أم جاريدو بتاعكم حيضيع صبحي وبامبو ووردة وعمرو جمال .. كمان بتضرب متعب دا أنت كنت مسافر لولا هدفه في نهائي الكونفدرالية.
واختتم نصر: "عار علينا كأهلاوية إذا سكتنا عن هذا الخراب.. هو أنت كسبت خمسة فاكر إنك بطل .. إحنا علشان بنحب النادي والكيان واقفين وراه بس أنت والمجلس سايبك تعمل رجوع للخلف لحد ما تعمل حادثة مروعة لجماهير الأهلي.. وأنت بتعاقب مين لما مش حتذيع ماتشاتك غير جماهيرك .. ساعتها ما تزعلش من اللي حتعمله جماهيرك خد حقك من اللي ضحك عليك مش مننا.. أنت فين يا صالح يا سليم".
