LOLO2014
مشرفة
الجنس :  عدد المساهمات : 583
تاريخ التسجيل : 28/12/2009
 |  موضوع: بالصور فراخ مشويه فى الفرن....ومفيش اجمل من كده الثلاثاء يونيو 10, 2014 7:00 pm | |
| اذيكووو يا ااحلى مووووزز
جيبالكو النهارده طريقه فراخ هتدعولى عليها والله
جربتها طبعا وطلعت تحفه احلى من فراخ بره
بصى ياستى هتجيبى الفرخه تقطعيها 8 قطع او 10 اللى يريحك
وتحطيها فى بوله وتجيبى بصله كبيره وتبشريها
وفصين توم وتهرسيه كويس
وعليهم معلقه جنزبيل ومعلقه قرفه ومغلقه فلفل اسود ومعلقه كارى ومعلقه كركم ومعقتين ملح ونص كوبايه لبن ولمووونه ومعلقتين زيت تخلطى كل دول ببعض
وتحطيهم ع الفرخه ويستحسن تسيبيهم مع بعض من بليل
عشان تشربها كويس لو مستعجله سيبها ساعه ع الاقل فى التلاجه
وبعدين ترصيهم فى صنيه وباقى الخليط عليهم طبعا وتدخليها الفرن
مش هتاخد ساعه الا ربع بالكتير
ولما تستوى تجيبى فحمه مولعاها طبعا وتحطيها ع ورقه فويا فى وسط
الصنيه وتشطى عليها فص توم بالزيت بتاعه ع الفحمه طبعا وتغطى الصنيه ع طول مش اقل من ربع ساعه وبالف هنا وماتنسووش تدعولى
هتاكلو احلى فراخ مشويه بالهنا والشفا الف هنااااااا | |
|
