الفكرة فى الفراخ دى انها مختلفة عن الباقى وتسمى الفراخ التندورى حيث اختلاف التتبيلة فهى مضاف اليها الزبادى وانواع من التوابل الطازجة لتعطى لك طعم مختلف كما انها صحية وهى وجبة متميزة مع طبق مكرونه نجرسكو او مكرونه بالصلصة او اصباع بطاطس نجتس وطبق خضروات سوتيه او سلطة الكرنب والجزر بالمايونيز يبقى تمام
المقادير:
نصف كيلو صدور او وراك او الاتنين - علبة زبادى - زنجبيل فريش مفروم - ثوم فريش مفروم- كمون - خل - ليمون - زيت زيتون - زعفران بودر- شطة - ملح وفلفل
الطريقة : نضع الزبادى والشطة والكمون والملح والفلفل والثوم والزنجبيل والخل والليمون والزعفران نقلبهم مع بعض كويس ونجيب الدجاج ونشرحة من عند العظم ونضعة فى التتبيلة ونقلبهم مع بعض وبعد كدة نضع الدجاج فى الصينية ونضع علية التتبيلة وبعدين زيت الزيتون وندخلها الفرن تستوى وبعد كدة نشغل الشواية علشان تتشوى من فوق او نشغل الاتنين مع بعض الفرن والشواية لحد لما تستوى وتتحمر
اتمنى انها تعجبكم وبالهنا والشفا
